Na cima do Monte de Santa Trega levántase este santuario. Posiblemente a monxa Exeria tras regresar da súa peregrinación por Oriente, introduciu a devoción pola Santa entre os ermitáns do Baixo Miño na Alta Idade Media. A existencia dunha ermida está documentada xa no s. XII pero as reformas e ampliacións do s. XVI e XVII déronlle o seu aspecto actual. A Virxe de Santa Trega é a patroa da Guarda e conta con gran tradición relixiosa na comarca. O 23 de setembro celebrase a súa festividade e durante a mañá celébranse as misas e tras a procesión na honra á Virxe celébranse as tradicionais poxas dos produtos ofrecidos á santa. Despois as familias comen ao aire libre no Monte.