O museo ocupa sete salas da igrexa do Mosteiro de Vilanova de Lourenzá (s. XVIII). Situado na praza do Conde Santo, Don Osorio Gutiérrez, que foi fundador do Mosteiro de San Salvador no ano 969 e peregrino a Terra Santa onde, segundo a lenda, adquiriu un extraordinario sartego (s. V) para o seu descanso eterno.Tódolos anos numerosos romeiros acoden a tocar este sartego nunha romaría moi popular, a do Conde Santo. Outra destacada peza deste museo é o relicario da sancristía en madeira policromada cunha colección de 28 bustos-relicarios de finais do s. XVII. Tamén pezas de xoiería, escultura, pintura, indumentaria, mobles e biblioteca monacal.