A igrexa levántase nunha grande explanada que se asoma ao val do río Tambre. O templo de Santa María de Ons iníciase en 1788 segundo deseño nunca finalizado de Xoán López Ferro.

O carácter inconcluso da obra derivou en que a orixinal planta de cruz latina ficase reducida a unha planta rectangular dunha soa nave. No interior destaca a riqueza escultórica. O retablo maior  é de pedra e da mesma época, tallado en 1789 polo escultor Antonio Fabeiro, unha obra que  asombra pola orixinalidade na representación da Asunción da Virxe rodeada de anxos baixo un arco similar aos de triunfo romanos.

No exterior, sobre a porta do cemiterio, destacan as imaxes de San Paulo e San Pedro, probablemente pertencentes á antiga igrexa que se atopaba a 500 metros da actual.