No núcleo de San Cibrao, camiñando por terreo empedrado, atopamos un claro exemplo do románico rural na capela do Santo Cristo. Data do século XII, e o modo de construción é de cantería isodoma. Presenta planta rectangular, unha soa nave e tellado a dúas augas. Conta cunha porta principal e outra auxiliar polo lateral dereito. A porta de acceso á nave está composta por un arco de medio punto con grandes doelas de pedra. A ambos os laterais podemos observar varios canzorros como elementos decorativos exteriores.