IGREXA DE SANTO ANDRÉ DO HÍO

Relixioso
2439

Localización

Parroquia: O Hío (Santo André)

Lugar: O Igrexario

Avenida La Unión 8

36945  Cangas - Pontevedra

Coordenadas:
42º 16' 12.0" N - 8º 49' 44.9" W

Descrición

A igrexa de Santo André do Hío, modificada en 1788, conserva a primitiva fachada románica do século XII, os muros da nave e a interesante portada principal. Ten unha nave cuberta con bóveda de canón. Exteriormente, unha imposta percorre a portada dividíndoa en dous corpos, quedando no inferior a porta de acceso ao templo con arcos semicirculares sustentados por columnas. No tímpano aparece unha gran cruz de santo André e dúas pequenas figuras aos seus lados. Sobresae tamén a colección de canzorros decorados con graciosas figuras que se dispoñen ao longo do beiril. Culmina a fachada principal cunha espadana de tres ocos de arcos semicirculares.

Acceso

Saíndo de Cangas en dirección a Aldán, pola estrada PO-315, tras percorrer 4 km viramos á esquerda, seguindo o indicador que sinala o cruceiro do Hío. A 1 km atopamos a igrexa, situada na marxe dereita da estrada.
Arriba
Axúdanos a mellorar!