En 1946 o bispo Blanco Nájera inaugura a igrexa de estilo clásico-moderno. O templo presenta planta de cruz latina cunha soa nave no interior. Ao exterior ofrece aspecto de fortaleza. A fachada de tres rúas alberga nun camarín a imaxe pétrea da Virxe María esculpida polo escultor galego Failde. Sobre unha base cadrada que suxeita catro arcos torales elévase a cúpula que culmina nunha lanterna con base octogonal. A ábsida tamén presenta planta octogonal.