Sinxela capela realizada en granito, que conta cunha planta rectangular dunha soa nave. Os muros están realizados en pedra revogada, por fóra lisos, cunha cuberta a dúas augas de madeira. Só ten un van polo que se dá luz a construción. A fachada principal presenta unha porta alintelada, destacando a espadana, con dous vans con arcos de medio punto, rematada por pináculos. Situada nunha carballeira, con cruceiro e fonte santa, dende a ermida obsérvase un meandro do río Anllóns. Ábrese unha soa vez ao ano para a romaxe de Santa Mariña en xullo.