Accédese a través dun gran portalón, de boa fábrica e con un prominente escudo na parte superior, que dá acceso á finca na que se atopa o pazo. A planta do edificio -do século XVII- é en escuadra, con patio exterior inscrito e con torre na conxunción das dúas coxías. Unha solaina que dá ao patio, percorre as coxías pola súa fachada interior. Completan o conxunto un cabaceiro e un pombal. Actualmente está habitado e alberga a adega “lagar de sabariz”.