Situado no edificio renacentista que fora a antiga casa da liñaxe dos Méndez Montouto e que no ano 1987 se reformou para acoller o Museo Municipal, este espazo esta distribuído en salas de coleccións permanentes e temporais. As dúas primeiras plantas acollen exposicións temporais de arte contemporánea e na terceira planta está a colección do gravador Julio Prieto Nespereira con debuxos, óleos e acuarelas. O museo conta en total con 1.230 obras de arte entre pintura, escultura, fotografía e gravados de época moderna e contemporánea.