Tamén coñecido como Museo do Cardeal ou Museo da Compañía. Recoñecido como unha das pinacotecas máis importantes de Galicia pola calidade e relevancia das obras expostas. Entre estas destacan os cadros de “San Lorenzo” e “San Francisco”, ambos de El Greco, os dous únicos exemplares atribuíbles a este artista que se coñecen en Galicia. Ademais destas dúas obras mestras, ten un importante lugar a obra do pintor italiano Andrea del Sarto.