Tamén chamado pazo de Oca-Valladares. É un dos espazos góticos-renacentistas máis importantes de Galicia (mediados do s. XVI). Edificio cuxa construción concerta Álvaro de Oca e Sarmiento. Ten unha fachada de dúas plantas con cinco escudos de armas de diferentes liñaxes galegas no balcón central e que se repiten no patio de columnas interior. Fonte de mármore de Carrara no devandito patio. Desde 1850 é sede dunha das sociedades culturais máis antigas da cidade: o Liceo Recreo Ourensán.