Situada nun fermoso contorno rural, a carón dunha densa carballeira, esta igrexa de estilo neorrománico foi levantada entre finais do século XIX e os primeiros anos do XX.

Posúe planta irregular con catro capelas laterais e a súa estrutura aérea é de bóvedas de cruzaría. A fachada principal presenta un sistema pentagonal de eixe vertical que vén marcado pola porta de entrada, a xanela abucinada e a espadana de dous ocos.

Sitúase nun amplo espazo libre no que se atopa unha densa carballeira, moi coñecida pola celebración da romaría de Santa Margarida.