CRUCEIRO DA CASA GRANDE DE ANDEADE

Etnográfico
720

Localización

Parroquia: Andeade (Santiago)

Lugar: A Casa Grande

15824  Touro - A Coruña

Coordenadas:
42º 52' 01.8" N - 8º 15' 29.4" W

Descrición

Realizado en granito. Cruz de sección rectangular cos brazos en chafrán; capitel cuadrangular con astrágalo tamén cuadrangular e liso, ábaco con lados curvos e vértices achafranados, follas de acanto e caras. Fuste ou varal de sección cadrada con chafráns e unha imaxe de San Francisco pegada; pedestal de forma cuadrangular moi moldurado, cunha grande escocia, apoiado sobre plataforma cuadrangular de dous chanzos.

Acceso

En automóbil son 4,6 quilómetros, menos de 10 minutos dende a Casa do Concello, en Fonte Díaz. Seguir cara ó norte pola AC-240, pasando polos lugares de O Barral, A Santaia, O Outeiro e A Eirexe. Xirar a dereita CP-0605 e en pouco máis de 500 metros estamos no Pazo de Andeade.
A pé son 4,4 quilómetros, case unha hora. Mesmo recorrido, pero unha vez en A Eirexe continuar cara Andeade para saír na CP-0605 e a 200 metros chegamos ó destino.
Arriba
Axúdanos a mellorar!