Templo  que ten a súa orixe no mosteiro medieval de Santa Mariña de Carracedo, ó cal Alfonso VII lle fixo diversas doazóns no ano 1147.  O actual edificio ten unha planta poligonal que sufriu distintas ampliacións. A fachada é sobria e simple con porta de acceso, frontón triangular con fornelo e, sobre el, un óculo con derrame externo. Destaca, sobre todo, o campanario angular, de planta cadrada e estilo barroco.