Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
O carreiro que rodea e atravesa a Fraga de Vilapena transcorre entre unha gran diversidade de vexetación autóctona. Comeza antes de chegar á aldea, nunha zona de aparcamento acondicionada cun panel informativo. Iniciando o traxecto cara a Vilapena, visítase a igrexa parroquial e obsérvanse numerosos hórreos e antigas edificacións de pedra.
O roteiro abandona as praderías do núcleo rural e penétrase entre as plantacións forestais e o tupido bosque autóctono, ascendendo cara á bifurcación e miradoiro de Pau Pico a 486 metros de altura. Retomando a senda, tras un tramo de menos dun quilómetro, esta únese co PR-G 83. Ascendendo unha breve costa, atópase un refuxio para a choiva e ambos os carreiros comparten o seu itinerario durante un bo treito.
Cara ao final, o camiño regresa á Fraga de Vilapena para dirixirse ao arroio de Vilaformán, outrora coñecido pola súa fama troitera. Se optamos por seguir a variante e facer o percorrido máis curto entraremos no interior da fraga onde se atopan vestixios de antigas carboeiras.
Concello de Trabada
Tel.: 982 135 011
concello@trabada.es
www.trabada.es
Sendeiros
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración