Este paseo marítimo parte dende o porto de Foz e discorre polo beira dos acantilados ao longo de toda a ruta. 

Durante o percorrido atoparemos varios paneis con información sobre a vexetación, a fauna e as paisaxes. Ilustrarannos tamén sobre as características desta “rasa” marítima plataforma litoral que no seu día estivo cuberta pola auga e que sufriu unha potente abrasión mariña. 

Poderemos atopar tamén pequenos miradoiros con bancos nos que parar a descansar ou dende os que contemplar as fermosas vistas sobre o Cantábrico. 

Unha suxerente ponte de madeira faranos levitar sobre un entrante do mar e, unha vez superada, permitiranos continuar preto da escarpada liña de costa antes de chegar á praia de Llas.