Río Anllóns, entre amieiros e agras de Bergantiños

Situado nas aforas da capital do concello, trátase dun paseo axeitado para todo o mundo, xa que discorre por unha pasarela de madeira de pouco máis de 2 km que parte da área recreativa de Gabenlle ata a ponte de Formigueiros, seguindo o curso sinuoso do río Anllóns. Ao longo do percorrido poderemos gozar de diversas paisaxes, como o típico bosque de ribeira, composto principalmente por amieiros, zonas agrarias e gandeiras, alén de descubrir elementos tradicionais como varios muíños de auga que aproveitaban as augas do Anllóns para moer o gran.

Área recreativa de Gabenlle (43°14'18.88''N / 8°34'14.78''O)

Ponte de Formigueiros (43°14'30.97''N / 8°35'14.11''O)