Trátase dunha senda de dificultade baixa, xa que é un percorrido de pouco máis de 1 km e cunha pendente moderada, polo que é moi doada para facer na compaña de nenos. 

O percorrido discorre por una contorna de bosque autóctono de ribeira, con carballos, bidueiros e ameneiros, que non anticipa a grata sorpresa que recibiremos ao chegar ao pé da espectacular seimeira, nome co que se coñecen ás fervenzas nesta zona. Dende aí poderemos ver desbrocarse o río da Porteliña en todo o seu esplendor, formando este cadoiro de 54 m de altura considerado o máis alto de Galicia en caída libre. 

Conta tamén cunha zona de merendeiro, unha fonte e unha ponte de madeira, así coma cos restos dun vello muíño, o que completa perfectamente a visita. 

Ao pé do cachón fórmase un neboeiro de auga en suspensión que arrefría a temperatura ambiente e no que teremos que ter especial coidado nas zonas esvaradías.