No lugar de Lourido, na parroquia de Casteláns, antes de cruzar o río Tea, á esquerda, seguiremos a indicación “Fonte do Baño”. Nese punto deixaremos o coche para baixar á fonte e, desde alí, seguiremos o curso do río. Hai varios saltos río arriba e río abaixo. Baixamos por unha pista que hai en fronte do campo de fútbol e seguimos o desvío á esquerda. Ao chegar a un cruce de tres pistas, seguiremos a do medio. O acceso non está sinalizado. Na zona chamada As Caldas atopamos estas fervenzas, no lugar onde está construída a minicentral. Son case imposibles de ver, xa que a única maneira de facelo é seguir a canalización da auga. O río Tea, en pouco máis dun quilómetro nesta zona, ten un desnivel de case 200 metros, discorrendo por un canón no que forma esta sucesión de fervenzas.