Na estrada da Cañiza a Luneda. Desde o centro desta poboación, a carón da capela e do parque, colleremos un cruce á dereita e onde remata o asfalto seguiremos unha pista á esquerda ata chegar ao río. Seguindo río abaixo pódense ver varios saltos e rápidos. Atopámolo no rego de Acebal ou de Luneda, afluente do río Deva, que neste punto baixa da Serra de Paradanta. O acceso non está indicado.