A igrexa presenta planta rectangular con presbiterio elevado. Na fachada, porta con arco de medio punto e pequeno ollo de boi no frontispicio. A espadaña ten un corpo de arcos coroado por un frontón triangular. No interior, o retablo maior ten relevos con escenas hagiográficas de San Pedro. Outras imaxes a destacar son as de Santiago Apóstol, San Roque, San Francisco, Virxe do Carmen, do Rosario e a Inmaculada.