IGREXA DE SAN ESTEVO

Relixioso
No Camiño de Santiago
105

Localización

Parroquia: Sandiás (Santo Estevo)

Lugar: Sandiás

32692  Sandiás - Ourense

Coordenadas:
42º 06' 48.0" N - 7º 45' 15.9" W

Descrición

É de estilo gótico tardío, pouco frecuente en Galicia, construída por Bartolomeu de Nosendo antes de 1520. Ten unha soa nave e presbiterio cuadrangular. No interior, os arcos torales descansan sobre altas columnas pegadas aos muros, os capiteis dos cales presentan motivos renacentistas. Na ábsida atopamos unha cornixa rematada por un estreito peitoril, con follas trilobuladas descansando en caneciños. O retablo do século XVII é de grande importancia pola súa significación na arte de Ourense deste século, e no traballo de Francisco Moure.

Destaca outra interesante portada de estilo manuelino e con complicado xogo de arquivoltas e arcos. Ten dúas arcadas: a interior de arco rebaixado e quebrado no medio, formado por un estreito baquetón sobre columniñas do mesmo diámetro, con pequenos capiteis de follas serpeantes delicadamente esculpidas; a exterior de arco rebaixado liso. Fóra do arco, os baquetóns saen e québranse formando cinco puntas, catro delas rematadas en floróns oixivais e a central sostendo unha imaxe.

Accesibilidade

Peonil e/ou en autobús e/ou en coche.

Camiños de Santiago

Vía da Prata
Lembra que pode haber recursos que non estean xeorreferenciados e, polo tanto, non os esteas visualizando.
Última actualización: 28/04/2017
Arriba