Igrexa románica do s. XII ou comezos do XIII, con reformas do s. XIX. De planta rectangular, composta por nave, capela maior máis elevada e sancristía pegada no lateral norte. Fabricada con cadeirado de granito e cuberta de tella a dous e catro augas. Frontis con porta de arco de medio punto, con columnas e capiteis, con ornamentación xeométrica o esquerdo e figurada o dereito. A espadaña que culmina o frontis é dun só van. No lateral norte ábrese outra porta de arco de medio punto con decoración. No lateral sur do presbiterio sitúase o antigo ventanal románico da primitiva ábsida derrubada no XIX. Interior: arco triunfal apuntado con capiteis decorados e dous retablos do s. XVIII.