Construída na primeira metade do s. XVIII. Ten unha única nave de planta rectangular cos muros de cadeirado de granito e a cuberta a dúas augas de tella. Fachada ausente de decoración salvo a fornela en forma de cuncha de vieira sobre a portada coa imaxe de vulto redondo realizada en granito da Virxe do Pilar. Coroada nos extremos por dúas torres. O interior tamén destaca pola sobriedade arquitectónica animado no seu momento por un retablo barroco, obra de Miguel de Romay (1720), que posteriormente foi desmontado e trasladado ao convento de San Domingos de Bonaval. No seu lugar hai un Cristo policromado, obra do escultor compostelano Castor Latexe.