Pequena capela de pedra (probablemente do século XVIII), dunha soa nave dedicada á advocación de S. Roque. Mostra perpiaños de diferentes tamaños con disposición irregular e tellado a dúas augas. Posúe un pequeno e característico campanario enriba da fachada e polo lado contrario a imaxe de San Roque.

Neste lugar celébranse as festas (primeiro fin de semana de setembro) de S. Roque e á Virxe de Lourdes (domingo).