Ruta da camelia

Galicia posúe as características óptimas para o cultivo da camelia. Un clima húmido, temperaturas suaves e solos fértiles e acedos fan que o crecemento destas plantas sexa espectacular e sorprenda a expertos de todo o mundo.

As camelias chegaron a Galicia a finais do século XVIII, procedentes de países afastados como China e Xapón. Nun principio instaláronse nos xardíns dos pazos e casas señoriais da nobreza galega, pero co tempo introducíronse nos xardíns e terreos, tanto públicos como privados, de toda a nosa xeografía, ata converter Galicia nun referente internacional no cultivo e produción desta planta. Na actualidade a comunidade atesoura case 8.000 variedades diferentes de camelia.

Propoñémosvos varias rutas por algúns dos xardíns máis espectaculares de Galicia, como a que faredes no Tren turístico da Camelia que este ano 2024 terá saída o 9 e o 23 de marzo e permitirá coñecer varios xardíns de Excelencia Internacional. Xunto a esta experiencia incluímos a continuación outras rutas nas que nos deteremos nos fascinantes espazos verdes que albergan os pazos máis singulares das provincias da Coruña e Pontevedra. Coñeceremos todos os segredos que ocultan tanto as pedras como as especies botánicas destes lugares cheos dun encanto particular. Os produtos típicos e os viños de cada territorio intensificarán a exquisitez da nosa viaxe.

Trens Turísticos....
Ruta da camelia en flor

Arriba
Axúdanos a mellorar!