Turismo de Galicia

Parque Nacional Illas Atlánticas de Galicia

O Parque Nacional Illas Atlánticas de Galicia está situado nas Rías Baixas e comprende catro arquipélagos: Cortegada e Sálvora na ría de Arousa, Ons fronte á ría de Pontevedra e Cíes, que pecha a ría de Vigo.
As espectaculares noites das illas permiten unha inmellorable contemplación do ceo estrelado. Por outra parte, grazas á súa riqueza (tanto faunística como vexetal) e á espectacularidade das súas paisaxes, estas illas constitúen un patrimonio cultural e natural único no litoral español.
O destino Starlight acolle nos seus Centros de Interpretación actividades relacionadas coa observación e protección do ceo nocturno, con dúas estacións que miden a súa luminosidade, así como accións sobre o terreo nas illas.

A Costa da Morte ocupa o segmento noroeste do litoral galego, estendéndose ao longo de ducias de quilómetros, dentro dos límites da provincia da Coruña. Neste xeodestino de carácter aguerrido, podemos encontrar praias salvaxes e fermosos cantís que se descobren entre faro e faro. Os espectaculares ceos estrelados e as atardecidas sobre o océano Atlántico non teñen comparación, de feito, na Costa da Morte pódese vivir o último solpor da Europa continental. Alén diso, posúe un gran valor ambiental, xa que gran parte do seu territorio forma parte da Rede Natura 2000 e alberga polo menos dous Lugares de Importancia Comunitaria e unha Zona de Especial Protección para as Aves, unha Paisaxe Protexida e múltiples lugares de especial interese xeolóxico.

O destino Starlight recolle numerosas opcións para contemplar as estrelas, moitas delas en lugares de especial beleza e de gran valor natural e cultural, como por exemplo: o dolmen Arca da Piosa, a praia do Rostro, Cabo Touriñán, Cemiterio dos Ingleses, Castro de Borneiro, Punta Nariga, Espazo Natural de Razo-Baldaio, encoro da Fervenza, praia de Soesto e o Monte Pindo.

A contemplación das chuvias de estrelas das Perseidas (agosto) e das Xemínidas (decembro); a marcha nocturna “Entre lobos e estrelas” (coincidindo coa lúa chea de setembro); as xornadas nocturnas “AstroTrevinca” (outubro) choco-anoiteceres e os concertos musicais “Nanas para Trevinca” no Miradoiro Estelar do Rañadoiro constitúen as principais actividades organizadas baixo o paraugas do Destino Turístico Starlight Trevinca. O verdadeiro eixo sobre o que se estrutura o Destino Turístico Starlight Trevinca é a Vía Láctea e o Camiño das Estrelas. O Destino Turístico Starlight é un espazo triangular limitado polos vértices da Tablilla das Lagoas, Pico Maluro e O Rañadoiro, dentro do Espazo Natural Protexido Pena Trevinca, declarado Zona ZEC e ZEPA, no concello da Veiga, limítrofe co Parque Natural de Sanabria. Trevinca goza de excelentes calidades para contemplar ceos estrelados por estar lonxe dos grandes núcleos de poboación e pola súa altitude.

Muras está situada no norte da provincia de Lugo e cun ceo nocturno libre de contaminación lumínica, é un lugar ideal para gozar do astroturismo. A Sociedade Galega de Historia Natural organiza periodicamente actividades astronómicas no municipio para contemplar o ceo e facer astrofotografía.

Os dez lugares con mellores puntos de observación distribúense en dúas áreas:

A primeira inclúe tres emprazamentos: Miradoiro das Campelas da Auga, Miradoiro da Cruz da Fraga Gorda e Miradoiro do Piocorto.

A segunda abrangue sete localizacións:Cruz de Bestemuz, Miradoiro de Manzoi, Miradoiro da Gañidoira, Alto da Amosa, Área de autocaravanas, Cruz do Campo e Carballeira do Viveiró.

Lalín é berce da historia astronómica de Galicia, xa que entre os seus Fillos Ilustres está o grande astrónomo Ramón Mª Aller que puxo en marcha o Observatorio de Lalín (recuperado en 2011), base para fundar o Observatorio da USC.

Escolleuse como punto de observación un vértice xeodésico na parroquia de Maceira situado a 743 m de altitude desde o que se domina unha panorámica de 360º, sendo de día un magnífico miradoiro desde o que se ven os principais cumios da comarca de Deza e a súa contorna: o Farelo, a serra do Faro, o Candán, o Carrio e incluso o Pico Sacro cara a Compostela. Por outra banda, de noite é un lugar privilexiado desde onde se pode contemplar o ceo en todo o seu esplendor incluíndo unha perfecta vista da Vía Láctea.

Ademais deste lugar, suxírense outros dous puntos de observación, un deles nun outeiro sito en Albarellos e outro moi preto da Fraga de Catasós. 

Das Biosphärenreservat Mariñas Coruñesas liegt an der kantabrisch-atlantischen Küste Galiciens in der Provinz A Coruña. Dieses Reservat umfasst Küstengebiete, Küstentäler und Gebirgszüge im Landesinneren und erstreckt sich über 17 Gemeinden in der Nähe der Stadt A Coruña bis zur Grenze der Provinz Lugo. Es ist das erste zertifizierte Ökotourismusziel in Galicien und verfügt über ein eigenes, von der UNESCO anerkanntes Gütesiegel, das die Qualität und Nachhaltigkeit des Tourismussektors bei der Konzipierung und Entwicklung verschiedener Starlight-Aktivitäten bescheinigt.
Mariñas Coruñesas bietet zahlreiche Möglichkeiten zur Beobachtung des Sternenhimmels, wobei viele davon sich an Orten von besonderer Schönheit sowie von großem natürlichem, ethnographischem und kulturellem Wert befinden, um die Beobachtung des Sternenzelts mit der Verkostung von Menüs und Gerichten aus lokalen und saisonalen Produkten zu verbinden, die von den Köchen der “Restaurants der Biosphäre”, zubereitet werden. Man kann hier zudem in einer der “"Unterkünfte der Biosphäre"”, übernachten oder sich für eine der Ökotourismus-Route bzw. eines der zertifizierten ökotouristischen Angebote entscheiden.

Esta Reserva da Biosfera abrangue os concellos lugueses de Becerreá, Cervantes e Navia de Suarna, no leste da provincia de Lugo. Con esta distinción, outorgada en abril de 2024, preténdese abordar as actuacións necesarias para adaptar as fontes de luz e potenciar os servizos e recursos especializados para desenvolver este destino. Instalaranse sinais e indicadores e miradoiros de estrelas nas zonas máis escuras pero accesibles e con capacidade para realizar actividades de turismo astronómico.

Tamén as casas e hoteis rurais poden obter unha cualificación outorgada pola Fundación Starlight se manteñen un compromiso coa observación do firmamento e a calidade do ceo. Alén disto deben pór a disposición dos clientes información sobre Starlight e algún medio para a observación astronómica. En Galicia cumpre estes requisitos a Casa da Pedreira en Cuntis e Casa Savi en Miño.