A Costa da Morte ocupa o segmento noroeste do litoral galego, estendéndose ao longo de ducias de quilómetros, dentro dos límites da provincia da Coruña. Nesta costa, atoparemos praias desertas, enseadas e cantís. Os cabos, como o de Fisterra, Touriñán e Vilán, penetran nun océano bravío e de augas axitadas.
Todo isto forma unha paisaxe inconfundible, sinal de identidade deste lugar.
As súas aldeas convidan ao paseo tranquilo e a observar os labores dos homes e mulleres do mar. É unha terra de misterio, de lendas e mitos. A súa beleza paisaxística e o interese cultural convértena nunha zona única e de especial encanto para o visitante.