Nada resulta máis oculto que aqueles tempos que non vivimos.
A través deste percorrido polas entrañas dos tesouros de Arousa, coñeceremos de preto o modus vivendi de antigas civilizacións que deixaron as súas pegadas nos mellores enclaves da nosa terra.
Contan os vellos que entre o Dolmen de Axeitos e a peneda natural, coñecida como a Pía do Frade, hai unha trabe de ouro, unha construción mítica na que as lendas sitúan valiosos tesouros.Milleiros de persoas amoréanse a carón das Torres do Oeste cada ano para presenciaren o desembarco dos viquingos. A bordo dunha draka, e ataviados con cascos e cornos, os novos viquingos simulan o ataque dos pobos nórdicos hai máis dun milenio.