Turgalicia Turismo de Galicia

Xunta de Galicia
Inicio > Goza destas... experiencias > Top Ten: Dez lugares únicos > Top ten: Dez lugares únicos > Engadir á "Miña viaxe"

Propoñémosche estes plans...

ver máis...
Catedral e Centro Histórico de Santiago

PATRIMONIO DA HUMANIDADE

Catedral e Centro Histórico de Santiago

Contén o alento. O Botafumeiro, a 70 km por hora, voa sobre ti...

Santiago de Compostela

CIDADES

Santiago de Compostela

Patrimonio da Humanidade desde 1985...

Cidade da Cultura de Galicia

DESTAQUE

Cidade da Cultura de Galicia

O futuro xa está aquí. Ao grande. Unha proposta espectacular que levanta paixóns...

Terras de Santiago

XEODESTINO

Terras de Santiago

Estas son terras cun gran patrimonio artístico e monumental. Como o mosteiro de Sobrado dos Monxes...

Top Ten: Dez lugares únicos

Santiago de Compostela

Fixerades o Camiño ou non, a nosa viaxe chega agora á capital de Galicia, Santiago de Compostela, destino de peregrinación da cristiandade dende o século IX.

Dende as augas do mar Báltico e do mar do Norte, miles de peregrinos camiñaron ata o santuario galego e portaron a cuncha de vieira ao longo de todos os camiños de Santiago, verdadeiros camiños de fe. A todo isto hai que sumarlle que, tanto durante o período románico coma durante o barroco, o santuario de Santiago de Compostela exerceu unha influencia decisiva sobre o desenvolvemento da arquitectura, non só en Galicia, senón tamén no Norte da Península Ibérica.

Ampliar
Antes de entrar na catedral, o ideal é percorrer devagar as diversas rúas da zona vella, declarada Patrimonio da Humanidade pola UNESCO e coñecida popularmente como “a améndoa”. A rúa do Franco, cos seus típicos restaurantes, ou a rúa do Vilar, cos seus soportais, conduciranvos ata o seu contorno. Unha vez alí, achegádevos ata a Praza do Obradoiro e mirade ao voso redor: o pazo de Raxoi, sede da Casa do Concello; o Hostal dos Reis Católicos, actualmente Parador Nacional de Turismo; o colexio de San Xerome, sede do reitorado da Universidade e a Catedral forman un marco excepcional que fará que vos sintades pequenos ante semellante conxunto monumental. O son da gaita de fondo enriquecerá, se cabe, a vosa experiencia pois un gaiteiro adoita tocar baixo o arco do Pazo de Xelmírez, así que, xa sabedes, afinade o voso oído!
Accedede á catedral polo magnífico Pórtico da Gloria, obra do Mestre Mateo, onde a súa efixie (coñecida como santo dos croques) e o cómplice “sorriso de Daniel” vos darán a benvida. Percorrede o interior deste templo con recollemento, devagar, sendo conscientes da magnitude desta grande obra, para visitar a tumba do apóstolo. Visitade cada capela e fixádevos nos detalles do seu impresionante altar maior. Podedes aproveitar para escoitar a misa e, cun pouco de sorte, veredes o botafumeiro, un incensario de grandes dimensións que conforma un rito único desta cidade. Sen dúbida ningunha, vós tamén sentiredes o recollemento e a emoción dos peregrinos, unha sensación de  chegar á meta, de desexos cumpridos…
Non deixedes de visitar as distintas prazas que rodean a catedral, como a da Inmaculada ou Acibechería, a da Quintana e a de Praterías, que precisamente está coroada pola única fachada románica que permanece no templo. Por suposto, os nomes destas prazas veñen dos antigos gremios medievais, algo que aínda se conserva, pois podedes atopar distintos establecementos nos que mercar prata ou acibeche, unha lembranza perfecta desta cidade.
Logo deste máxico percorrido, non podedes deixar Santiago sen facer boca nalgún dos seus típicos restaurantes da rúa do Franco. Como podedes ver, cada un deles ten o seu propio expositor no que colocan os mellores manxares das rías e terras galegas: percebes, polbo, centolo, robaliza, tenreira galega e un longo etcétera. Todo isto, por suposto, acompañado dos nosos mellores viños. Como sobremesa, a torta de Santiago, feita con améndoa, é a mellor opción para adozar a boca.
Para rematar a visita a Santiago , nada mellor que achegarse ata a Alameda e ao seu paseo da Ferradura, dende onde teredes unha magnífica panorámica da catedral. Con seguridade, a mellor despedida desta viaxe pola capital de Galicia.
Interésache...
- Máis info en... www.santiagoturismo.com
Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba