Turgalicia Turismo de Galicia

Xunta de Galicia
Inicio > Visita estes... destinos > Destacados > As Rías > Engadir á "Miña viaxe"

Costa da Morte no mapa...

Necesita javascript para ver o mapa

Costa da Morte

RUTA TURÍSTICA

Costa da Morte

Nesta costa, atoparemos praias desertas, enseadas e cantís...

Costa da Morte

XEODESTINO

Costa da Morte

Aquí estaba a fin do mundo, o "Finis Terrae" dos romanos. Concretamente, en Cabo Fisterra, un lugar fascinante...

As Rías

Costa da Morte...

Máis alá da ría de Muros e Noia, de xeito especial ao norte de Fisterra, esténdese un tramo de costa brava e variada. No medio de tramos rectilíneos, nos que se encadean amplos areais, como Carnota, Razo, O Rostro ou Baldaio, álzanse esgrevios acantilados, como os de Cabo Vilán ou o Roncudo, ou pequenas rías, como as de Corcubión, Camariñas ou Corme e Laxe. Na fronte costeira, moi preto da terra, aséntanse illas, como as Sisargas.

  • Areal de Carnota

    Areal de Carnota

  • Illas Sisargas

    Illas Sisargas

  • Praia do Rostro

    Praia do Rostro

  • Punta do Roncudo

    Punta do Roncudo

  • Cabo Vilán

    Cabo Vilán

  • Areal de Baldaio

    Areal de Baldaio

O apelativo de Costa da Morte vén do tráxico feito de que centos de barcos encallasen nos seus baixos pedregosos, quedando sepultados polas súas augas. Iso motivou que un río de lendas sobre naufraxios perduren na memoria colectiva.

Nas súas praias pódese atopar aínda a soidade, cun mar bravío e forte como testemuña. As pequenas serras que se alzan na costa danlles acubillo a aldeas de beleza extraordinaria que, vistas desde lonxe, semellan minúsculas partículas de cor pintadas nas abas.

O viaxeiro que se achegue á Costa da Morte, ben por terra, ben por mar, atoparase cunha paisaxe marcada polos contrastes. Atopará pequenas rías ou minúsculas enseadas e amplos areais aos que se asoman impresionantes paisaxes pétreas, entre as que sobresaen o monte Pindo ou os montes de Traba. Camiñará por entre campos de millo que se envolven co seu manto de verdor, nos que sobresaen os hórreos, algúns de fermosa factura, como os de Carnota, Lira ou Moraime.

Ademais, o amante da natureza poderá admirar lagoas, protexidas por amplos complexos dunares, como as de Xuño, Traba ou Baldaio, cunha fauna e unha flora que as converten en lugares privilexiados.

Pero a Costa da Morte é tamén sinónimo de intensa relixiosidade, monopolizada pola Virxe do Carme, en todos e cada un dos portos mariñeiros, o Santo Cristo de Fisterra ou a Virxe da Barca, en Muxía. Folclore impregnado de ánimas en pena que deambulan sen pausa na busca do descanso eterno.

Costa da Morte...

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba