Turgalicia Turismo de Galicia

Xunta de Galicia
Inicio > Goza destas... experiencias > Rutas turísticas > Ruta do Baixo Miño > Engadir á "Miña viaxe"

Que ver no Baixo Miño...

Ver máis

Ruta do Baixo Miño

Percorrido

Propoñemos unha ruta de dificultade baixa, co apoio dun vehículo, realizando curtos percorridos a pé, apta para todos os públicos e ideal para realizar en familia. A duración calculada é de tres días. A distribución de tempos debe ser tomada a modo de exemplo, xa que cada un pode variala en función das súas preferencias.

Percorrido - Día 1º

Empezamos a nosa ruta polo Baixo Miño na localidade de Baiona, denominada tamén Baiona A Real en virtude dos privilexios que lle foron concedidos polos reis Alfonso IV e Juan II de Castela para o comercio marítimo.

Ampliar
  • Vila de Baiona

    Vila de Baiona

    Esta preciosa vila está situada nunha tranquila baía entre Monte Real e o Monteferro. A súa boa condición como porto natural motivou que fose unha poboación moito máis importante que Vigo ata o s. XVIII...

  • Fortaleza de Monterreal e Parador de Baiona

    Fortaleza de Monterreal e Parador de Baiona

    O primitivo recinto amurallado data do século II a.c. Importantes obras posteriores foron mandadas executar por Alfonso IX de León (fins XII/principios XIII) e Felipe IV, promotor de importantes reformas nas murallas...

  • Virxe da Rocha - Baiona

    Virxe da Rocha - Baiona

    Estatua de pedra de grandes dimensións construída por subscrición popular e segundo proxecto do arquitecto Palacios en 1930...

  • Faro de Cabo Silleiro - Baiona

    Faro de Cabo Silleiro - Baiona

    En 1866 inaugurouse o Faro Silleiro, situado no Cabo Silleiro. O primeiro combustible que utilizou foi unha lámpada de mecha de aceite vexetal e en 1909 pasou a funcionar cunha lámpada de petróleo...

  • Mosteiro de Santa María de Oia

    Mosteiro de Santa María de Oia

    O Mosteiro de Santa María de Oia, monumento principal do municipio, comezou a construírse a mediados do século XII, durante o mandato do rei galego Afonso VII...

  • Praia de Rodas - Illas Cíes

    Praia de Rodas - Illas Cíes

    A praia de Rodas sitúase entre a Isla del Norte ou Monteagudo e a Isla del Medio ou do Faro. É a praia máis grande e importante do Parque Natural Illas Cies no cal se acha integrada...

  • Monte de Santa Tegra

    Monte de Santa Tegra

    O Miradoiro do Monte de Santa Tegra sitúase no cume do monte do mesmo nome. Desde a cima, situada a 342 m. de altitude, gozaremos dunhas preciosas vistas en calquera dirección na que miremos...

Non deixes de ver...

A Baiona, vila turística por excelencia, pódese chegar por varias vías de comunicación. A máis rápida é a autoestrada AG-57, con saída directa en Baiona. Tamén a estrada comarcal PO-552 tráenos desde Vigo pola costa. Este último percorrido é o máis aconsellable, posto que nos permitirá ver as numerosas e preciosas praias existentes na zona, moitas delas pertencentes ao concello de Nigrán, situado ao noroeste de Baiona.

Ao entrar en Baiona podemos subir por unha pequena estrada uns 500 metros, ata o cruceiro da Trindade, fermoso pola súa talla e por ser un dos poucos que se encontra debaixo dun baldaquino de pedra de forma piramidal. Penetramos en Baiona, á man dereita temos a fortaleza de Monte Real, onde se encontra o Parador Nacional de Turismo Conde de Gondomar.
Despois de pasear polo casco antigo, non podemos deixar de visitar a colexiata de Santa María e a capela de Santa Liberata, situada en fronte. A primeira encóntrase aberta ao público en horario de mañá e tarde, mentres que a segunda só pode ser visitada en datas determinadas.

Baiona converteuse nunha das localidades máis importantes da navegación deportiva de toda a Península Ibérica. O seu porto alberga numerosas embarcacións, que lle dan un vistoso aspecto, e serve de base para a regata Príncipe de Asturias, celebrada a comezos de setembro.

Á saída de Baiona subimos á Virxe da Rocha, estatua de pedra de grandes dimensións construída por subscrición popular e realizada polo arquitecto galego Antonio Palacios e o escultor Mariano Benlliure. Neste lugar dispoñemos de numerosas grellas e mesas que poden utilizarse para pasar o día. Unha escaleira ascende polo interior da estatua e desemboca no barco que sostén a virxe, un balcón que nos permite contemplar Baiona, a península de Monte Real e as Illas Cíes en todo o seu esplendor. Para os que queiran visitar o Parque Nacional marítimo - terrestre das Illas Atlánticas de Galicia, non hai que esquecer que Baiona é un dos portos de saída para os barcos que se achegan ás Illas Cíes na tempada alta.

Abandonamos Baiona pola PO-552. Aos poucos quilómetros, sempre co mar á nosa dereita, chegamos ao Cabo Silleiro. Neste contorno existe un miradoiro situado ao pé do faro, a 85 m sobre o nivel do mar. A estrada bordea a costa, pegada ao mar, e as vistas desde este punto son impresionantes.
Ao longo da costa, entre Baiona e A Guarda, a serra arrímase todo o que pode ao Atlántico. Falamos da serra da Groba que acada os 663 m de altitude, coñecida polas súas paisaxes agrestes e por acoller a maior concentración de cabalos de raza galega en liberdade.
A 17,8 km de Baiona chegamos á poboación de Oia, onde á nosa dereita veremos o mosteiro de Santa María. Á altura do mosteiro situámonos no carril da esquerda, pasamos por un pequeno túnel e desembocamos no lateral do mosteiro. A igrexa pódese visitar seguindo as indicacións que aparecen na porta de entrada. Actualmente o mosteiro está en mans privadas, aínda que podería seguir o camiño doutras moitas construcións similares existentes noutros puntos de Galicia e converterse en establecemento hoteleiro.

Despois de Oia partimos cara á vila da Guarda, da que nos separan 17,7 km Continuamos bordeando a costa, o que nos garante unha fermosa paisaxe. Na Guarda visitamos o monte Santa Tegra e paseamos polos paseo marítimo para degustar algúns dos numerosos produtos gastronómicos da zona. Poñemos fin á nosa primeira xornada.

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba