Turgalicia Turismo de Galicia

Xunta de Galicia
Inicio > Goza destas... experiencias > Santuarios máxicos > Itinerarios > Engadir á "Miña viaxe"
Ferrolterra

XEODESTINO

Ferrolterra

Xeodestino que agrupa municipios coma Ares, Mugardos, Cedeira, Ortigueira...

Ferrol

CIDADES

Ferrol

Curtida en mil batallas, é unha sabia mestura de cultura, elegancia urbana e poderío militar...

Santuarios máxicos

A viaxe dos tres desexos

Este percorrido pola recortada costa norte das provincias da Coruña e de Lugo levaranos por santuarios máxicos levantados no límite da terra co mar.

Pequenos en tamaño pero grandes na devoción que se lles profesa, en cada un deles respectaremos a tradición e seguiremos os rituais para ver cumpridos os tres desexos que pediremos ao longo deste espectacular camiño.

Interésache!

  • Inicio: Ferrol
  • Fin: Viveiro
  • Xornadas: 3
  • Km (aprox): 120 Km
“Quen non vai de vivo
a San Andrés,
vai de morto tres”

“O santo que che deu a enfermidade
que che dea a sanidade,
polo poder que Deus ten,
e san Andresiño, amén”
Data de celebración das romarías:
- Santo André de Teixido:
A romaría principal ten lugar o 8 de setembro aínda que, ao longo do ano, celébranse outras menos concorridas (venres, sábado e domingo de Pentecostés ou 24 de xuño).
- Virxe de Chamorro: Luns de Pascua.
- San Xiao de Trebo: 7 de xaneiro.

Percorrido - Día 1º

Comezamos o noso itinerario na cidade de Ferrol: un paseo polo coñecido Barrio da Magdalena achegaranos á historia desta cidade industrial e mariñeira.  Durante o percorrido, non esquezades arrimarvos aos balcóns dos xardíns de Herrera, lugar dende o que teredes unha magnífica panorámica do Arsenal, impresionante complexo militar do século XVIII e unha das obras de enxeñería máis importantes da Ilustración. Aproveitade, ademais, para tomar un aperitivo nunha das tascas e terrazas do porto e repasar o itinerario do día, que vos levará polos lugares máis máxicos deste recuncho do norte de Galicia.

Ampliar
A primeira parada do noso traxecto condúcenos ata un alto cumio de grandes penas onde se atopa a ermida de Chamorro. Dise que o nome popular deste santuario vén da devoción que os mariñeiros lle profesan á Virxe. Ante o perigo de naufraxio berraban: “Xa morro!”, esperando que a súa Patroa os salvase. Envolveitos por esta fe e pola adoración mariñeira, entrade no santuario para deixar a vosa propia candea acesa; pechade os ollos un intre e pedide o primeiro desexo deste máxico percorrido.
Poñemos agora rumbo ás praias de Covas, cara a unha pequena illa moi próxima ao litoral onde nos agarda a ermida de Santa Comba. Coa baixamar, podedes baixar á cala que daba acceso á illa e gozar dela. Orientada ao norte, é ventosa e salvaxe; ideal para pasear en calquera época do ano. É este un lugar de peregrinación no que, dende o século XII, os romeiros lle renden tributo e lle mostran a súa devoción á citada santa o último domingo de xullo.
O camiño orixinal a Santo André está sinalizado co símbolo dun peixe (a sardiña que o santo comeu durante a súa viaxe), e únese no concello de Narón coa outra variante máis coñecida e popular que comeza no mosteiro de San Martiño de Xubia, no Couto, xoia do románico da bisbarra. Os romeiros peregrinan case 50 quilómetros ata o santuario de Santo André de Teixido. Non é difícil imaxinar como o zoar do vento e as paisaxes pintorescas acompañan os romeiros ao longo de todo o seu percorrido pero, se estades en boa forma, animámosvos a que, en vez de imaxinalo, o vivades en primeira persoa.
Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba