Turgalicia Turismo de Galicia

Xunta de Galicia
Inicio > Goza destas... experiencias > Bosques de Galicia > Experiencias... > Engadir á "Miña viaxe"

Bosques de Galicia

Cortegada: a illa dos loureiros

Quen viu un bosque de loureiros? Pouca xente, moi pouca xente. Porque algo así é excepcional, unha rareza botánica que visitan expertos de todo o mundo.

En Galicia hai unha illa onde un bosque cheira a loureiro e a marisco, a máis sabia combinación. Os bancos marisqueiros da Ría de Arousa achegan as ameixas, os berberechos, as navallas…, e a Illa de Cortegada pon o loureiro necesario para aromatizar tan saborosos produtos do mar.

Árbores centenarias agochan prados e terras que foron cultivadas noutro tempo. Unha ermida que se derruba, unha vila fantasma sen habitantes, un cruceiro que o contempla todo. O bosque de loureiros e a illa de Cortegada respiran misterio. Valo perder?

Ampliar
  • Illa de Cortegada na ría de Arousa

  • Illa de Cortegada na ría de Arousa

  • Illa de Cortegada

  • Illa de Cortegada

  • Bosque de loureiros - Illa de Cortegada

  • Bosque de loureiros

  • Illa de Cortegada

  • Perfil da ruta

  • Mapa da ruta

Ruta da illa de Cortegada
Punto de inicioTipo de rutaKmDuración estimadaDificultade en progresiónDificultade en orientación
Centro de recepción de visitantes (Illa Cortegada)Circular21 h.BaixaBaixa
PERFIL: Todos os públicos

A primeira gran experiencia que viviredes no bosque da illa de Cortegada é chegar a el! Que mellor forma de comezar a explorar descubrindo o bosque desde a costa e aproximándovos a el lentamente polas tranquilas augas da ría de Arousa. A illa, a ría, o suave abalo das olas, a brisa mariña, a cultura mariñeira que se respira polos catro costados, as pequenas vilas pesqueiras asentadas no litoral, os brancos areais que adornan a liña de costa…

Todo vos indica que a experiencia será inesquecible.

Ao chegar á illa, fronte ao embarcadoiro, ide atopar o centro de recepción de visitantes do Parque Nacional das Illas Atlánticas de Galicia, onde poderedes recoller máis información de interese sobre a paisaxe en que vos internades. A illa ofrécevos dúas rutas circulares, moi sinxelas de seguir, que vos darán a coñecer os valores que encerra este tesouro natural. Os dous sendeiros parten xunto ás ruínas da ermida da Virxe dos Milagres, do ano 1652, a cal atraía numerosos peregrinos, polas súas bondades curativas.

A primeira ruta rodea toda a illa, mentres que a segunda a rodea ata a metade para logo atravesala polo centro. Esta última alternativa é a máis completa, pois ás vistas costeiras que vos regala súmaselle unha visita interior ao bosque de loureiro máis grande do sur de Europa. Somerxerse nese ambiente tan intenso que xera o bosque, cun sotobosque cheo de todos os matices do verde, é unha experiencia única e singular. Ademais podedes chegarvos xunto a enormes eucaliptos e ata os restos unha antiga aldea, que estivo habitada ata a doazón da illa ao rei Afonso XIII, en 1910.

Unha boa idea é contratar traslado á illa e a ruta guiada con algunha das empresas locais que prestan estes servizos. Se vos apetece, recoméndovos pactar a viaxe de regreso para a tarde, tras gozar dun día de praia nalgún dos lugares recónditos e tranquilos da illa.

Documentos relacionados...

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba