Na costa galega o mar entra de cheo na vida das súas xentes, que se citan na praia, nos cantís, no porto ou na lonxa. 

Déixano entrar nas súas casas, nas súas mesas, nas súas rúas e nas súas igrexas. Para advertilo, propoñémosvos unha xornada dedicada a rastrexar as pegadas salgadas do Atlántico por cidades, vilas e poboacións mariñeiras das Rías Baixas. Seguiremos un dos perfís costeiros máis sinuosos que teñades visto. E deterémonos no poderío do gremio de mareantes de Pontevedra, no singular carácter mariñeiro de Combarro e na puxanza marisqueira do Grove e Cambados.

Arriba