Parecen versos soltos. As camelias da que fora casa da poetisa Rosalía de Castro moran nun xardinciño romántico e risoño con moito de fantasía e un aquel de eirado que induce inevitablemente á poesía.
E coma se fosen o preludio dun poema reciben na entrada o visitante e acompañan un paseo que non pode ser máis lírico. Unha senda que se vira nunha revolta e penetra nun túnel de verdor cunha mesa de pedra e unha parra.