Pechar
Ruta da Ribeira do MiñoMonforte de Lemos
Play Ampliar
Pechar
Ruta da Ribeira do MiñoMosteiro das Bernardas
Play Ampliar
Pechar
Ruta da Ribeira do MiñoOs Peares
Play Ampliar

Ruta da Ribeira do Miño

De Monforte a Chantada

Partindo de Monforte, tomaremos a antiga N-120 ata Ferreira de Pantón, onde visitaremos o Mosteiro das Bernardas, tras admirar a igrexa de San Miguel de Eiré, a só tres quilómetros. Continuando en dirección Escairón (O Saviñao) colleremos unha desviación para visitar a igrexa de San Martiño da Cova, nunha fermosa paraxe. Desde aí seguiremos en dirección Escairón ata tomar o Corredor Rápido en dirección Chantada. Chegando ao Miño debemos estar atentos á indicación do lugar de Belesar, localidade ben conservada no fondo do val. Alí poderemos coller o catamarán e logo achegarnos a Chantada.

Mosteiro das Bernardas
Mosteiro das Bernardas
Igrexa de San Miguel de Eiré
Mapa de Ruta da Ribeira do Miño
Abrir mapa interactivo

De Chantada a Monforte

Despois da visita e paseo pola zona vella de Chantada, o retorno a Monforte farémolo polo mesmo corredor rápido, podendo parar nas igrexas románicas de Santo Estevo de Ribas de Miño e San Paio de Diomondi, moi cerca da ponte sobre o río Miño, gozando das fermosas vistas na primeira e das fragas frondosas de Diomondi. Estas son só algunhas das moitas igrexas e mosteiros presentes nestes concellos do sur de Lugo. Para visitalas debemos coller desvíos ben sinalados que nos apartan pouco da estrada principal, volvendo comodamente a Monforte.

Igrexa de Santo Estevo de Ribas de Miño
Igrexa de San Paio de Diomondi
Monforte de Lemos
Arriba
Axúdanos a mellorar!