Non lonxe de Pontevedra e aínda máis preto de Lalín e A Estrada, érguese ante nós a Serra do Candán, que supera os 1000 metros de altura. Nas súas amplas zonas de campos e matogueira podemos gozar dunha selección de aves escasas noutros puntos de Galicia, como a gatafornela. Nas súas aínda extensas carballeiras é fácil atopar moitas aves forestais.

Unhas montañas sorprendentes

Trátase dunha ampla área da zona centro-suroeste de Galicia, que inclúe parte das serras do Cando e O Candán, así como o ramal montañoso das Brañas do Xestoso. Ao longo das dúas serras, de altitude media, esténdense grandes áreas de matogueira e praderías xunto con carballeiras

Os roteiros
Lembra que pode haber recursos que non estean xeorreferenciados e, polo tanto, non os esteas visualizando.

Roteiro en coche: O Irixo - Pena Pixín

MELLOR ÉPOCA

Primavera

DISTANCIA

27 Km

DURACIÓN

3 horas

DIFICULTADE

Ningunha

CONCELLOS

Forcarei, Lalín, O Irixo

PERCORRIDO

O Irixo - Zobra - Pena Pixín

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta

  1. O camiño iníciase observando o gabeador azul e o estorniño negro na poboación do Irixo (1).
  2. Desde alí subimos ata A Ermida (2) para localizar o picafollas ibérico e a escribenta riscada.
  3. Máis arriba, en Campo da Cruz (3), veremos a perdiz rubia e o pedreiro cincento en migración.
  4. A continuación tomamos un camiño á esquerda cara a Zobra para avistar o miñato abelleiro común e a aguia cobreira. En Zobra escollemos o camiño cara a Portela e A Trigueira (4), coa intención de tratar de observar a papuxa do mato e a folosa políglota.
  5. Antes da Trigueira tomamos o camiño do parque eólico (5), que imos percorrer ata o seu extremo sur en Pena Pixín (6), enxergando a gatafornela, a tartaraña cincenta e a aguia cobreira.

Roteiro en coche: Cerdedo - Lagoa Sacra de Olives

MELLOR ÉPOCA

De novembro a xuño

DISTANCIA

23 Km

DURACIÓN

2 horas

DIFICULTADE

Ningunha

CONCELLOS

Cerdedo, Forcarei, Silleda

PERCORRIDO

Cerdedo - Lagoa Sacra de Olives

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta:

  1. O itinerario comeza na localidade de Cerdedo (1), onde é posible ver estorniños negros.
  2. Prosegue pola estrada ata Folgoso (2). Neste traxecto rexistraremos o gabeador azul e o picafollas ibérico.
  3. Tras pasar por Cachafeiro (3) e apuntar o picanzo vermello e a escribenta riscada, chegamos a Aciveiro (4), onde se localizan a perdiz rubia, o picanzo vermello e a escribenta amarela.
  4. Tomando á esquerda o desvío a Pereira e á Graña de Umia (5), veremos perdices rubias e folosas políglotas.
  5. Seguindo cara a Xestoso (6), anótanse un bo número de lavercas comúns nos campos, preludio do Coto do Espiño, ao que se accede desde o mesmo Xestoso para ver o rabirrubio común e o estorniño negro.
  6. No Coto (7) encóntrase a Lagoa Sacra de Olives, onde, con algo de sorte, teremos a oportunidade de ver a gatafornela, o esmerillón e a curuxa das xunqueiras e, nos pasos migratorios, limícolas como a píldora dourada e diversos paseriformes.

Roteiro a pé ou en bici: Campos de Forcarei

MELLOR ÉPOCA

Entre agosto e decembro

DURACIÓN

2-3 horas a pé e 1-2 horas en bicicleta

DIFICULTADE

Baixa

CONCELLOS

Forcarei

PERCORRIDO

Campos de Forcarei

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta:

  1. Interesante percorrido circular, sobre todo se queremos observar aves de medios agrícolas. Iníciase en Dúas Igrexas (1), onde se pode observar o moucho pequeno e o estorniño negro.
  2. A continuación, tomaremos a EP-7201. Ao pasar por Quintelas (2) será posible atopar o picafollas ibérico e o cardeal común.
  3. Nos campos abertos de Capeludos e Pena Queixeira (3) poderemos observar grupos de lavercas.
  4. Máis adiante, tomamos á dereita cara á Pereira e a ponte vella de Andón (4). Alí veremos a lavandeira real e o merlo rieiro. Ao chegar a Andón enlazamos coa PO-534 a través dunha zona tamén aberta na que se localiza picanzo vermello e escribenta riscada. No km 27 desta estrada tomamos á dereita cara á Costiña para regresar a Dúas Igrexas.
As aves

No Candán sorprenderannos en primavera as aves rapaces, como a gatafornela, a tartaraña cincenta, o miñato abelleiro común e a aguia cobreira. Tamén farán acto de presenza a escribenta amarela, o picanzo vermello e o cardeal común. Con máis sorte, veremos aves máis escasas ou irregulares no contexto galego, como a curuxa das xunqueiras, o sisón dos nabos e mesmo o bufo real. En inverno, sorprenderannos os grupos de lavercas e as píldora douradas. Por último, cun pouco de sorte, talvez gocemos dun lance de caza do esmerillón.

Consellos e recursos
  • Evitar pasear durante os días de xeada polo parque eólico, xa que existe risco de caída de placas de xeo das aspas.

  • Prestar especial atención a zonas lamacentas altas: en abril e maio pode localizarse o merlo papobranco e, en agosto e setembro, a píllara rubia e a lavandeira amarela.

Arriba